ဈေးကွက်လိုအပ်ချက်အရ ခွဲပြီးတူးနိုင်တဲ့ဂျူးမြစ်ကို ဘယ်လိုစိုက်ပျိုးမလဲ

 ဂျူးမြစ်အပင်ဟာ အပူချိန်အမြင့်ဆုံး (၃၀-၃၅)နဲ့ အနိမ့်ဆုံး (၁၀-၁၈)ဒီဂရီစင်တီဂရိတ်ဖြစ်ပါတယ်။ လိုအပ်တဲ့မိုးရေချိန်ကတော့ (၄၀-၅၀)လက်မခန့်ဖြစ်ပါတယ်။ ဂျူးမြစ်ပင်ကို မြေအမျိုးအစားမရွေး စိုက်ပျိုးနိုင်ပေမယ့် မြေအချဉ်ငန်ဓာတ် (၄.၅-၅.၅)အတွင်းရှိတဲ့မြေနီမြေစေးမှာ စိုက်ပျိုး ဖြစ်ထွန်းနိုင်ပါတယ်။ ဂျူးမြစ်ပင်ကို မြန်မာနိုင်ငံ ရှမ်းပြည်နယ်ဒေသ တောင်ကြီး၊ ဟိုပုံး၊ ပင်လောင်း၊ ပင်းတယမြို့တွေမှာ စိုက်ပျိုးကြပါတယ်။ ဂျူးပင်ကနေ အမြစ်ကို အဓိကစားပြီးတော့ အဖူး(သို့)ရိုး တံကိုလည်း ပြုတ်ပြီး သုပ်စားလို့ရပါတယ်။ ဂျူးမြစ်ကို အတို့အမြှုပ်အနေနဲ့ရော၊ ချဉ်ရည်ဟင်း၊မုန့်နှစ်ကြော်တွေနဲ့ လည်းစားကြပါတယ်။

• ဂျူးမြစ်ဟာ ဆေးဖက်ဝင်အပင်လည်းဖြစ်ပါတယ်။ သွေးဖိအားပုံမှန်ဖြစ်စေခြင်း၊အယ်လ်ဇိုင်းမားနဲ့ အိုမင်းရင့်ရော်ခြင်းတွေကို ကာကွယ်ပေးခြင်း၊ ဘက်တီးရီးယား၊ဗိုင်းရပ်နဲ့ မှိုရောဂါ၊ အရိုးပါးရောဂါ၊ အဆုတ်နဲ့ အူလမ်းကြောင်းကင်ဆာရောဂါတွေကိုလည်း ကာကွယ်ပေးနိုင်ပါတယ်။

စိုက်ပျိုးခြင်း

-------------

• ဂျူးမြစ်ပင်ကို အမြစ်ခေါင်း(အဆုံ)ကနေ ခွဲခြားပြီးတော့ စိုက်ပျိုးရပါတယ်။ အဲဒီအမြစ်ဆုံကို စိုက်ခါနီးမှ အပင်ဟောင်းကိုနုတ်ပြီး အမြစ်ဆုံကို ခွဲစိတ်ပြီး စိုက်ပျိုးရပါတယ်။ အရင်ကတော့ ဒီလိုမျိုးတွေ ရရှိဖို့အတွက် မြေမှာ ကျင်းကျယ်ကျယ်တူးပြီး ဂျူးပင်တွေကို အအုံလိုက်ထည့်ပြီးရင် လေလုံ အောင်ပိတ်ပြီး စိုက်ချိန်ကျမှ ဖော်ပြီးသုံးကြပါတယ်။ ဂျူးပင်ကို မြောင်းအနက်(၆-၈) လက်မခန့်တူးပြီးစိုက်ရပါတယ်။ တစ်ပင်နဲ့ တစ်ပင် (၈-၁၀)လက်မခြားပြီး တစ်မြောင်းနဲ့တစ်မြောင်း (၁)ပေခွာရပါတယ်။

• ဂျူးပင်ဟာ နှင်းခါးရိုက်တဲ့ဒဏ်ကို ခံနိုင်ကြပါတယ်။ ဒါကြောင့်အေးတဲ့ဒေသတွေမှာ စိုက်ပျိုးနိုင်ပါတယ်။ ဂျူးပင်ကို သီးခြားစိုက်ပျိုးသလို နှစ်ရှည်ပင်တွေကြားထဲမှာလည်း သီးညှပ်အဖြစ်စိုက်ပျိုးနိုင်ပါတယ်။

• မိုးဦးကာလနဲ့ မိုးကုန်ဆောင်းရာသီအစမှာ စိုက်ပျိုးကြပါတယ်။ (၁)ဧကကို နွားချေးမြေဆွေး (၅)လှည်းခန့်ထည့်နိုင်ရင် အကောင်းဆုံးဖြစ်ပါတယ်။

• အပင်ပေါက်စချိန်မှာ လက်ပေါင်းလိုက်ခြင်း၊(၁၅း၁၅း၁၅) (သို့) (၅း၁၀း၁၀) မြေသြဇာကို တစ်ဧက ပေါင် (၅၀-၈၀)အထိ ကျွေးပြီး မြေဆွပေးခြင်း၊ပင်ခြေကိုမြေဖို့ပေးခြင်း စတဲ့လုပ်ငန်းတွေကို ဆောင်ရွက်ရပါတယ်။ သဘာဝမြေသြဇာကို (၁-၂)လက်ထုအထိ မစိုက်ခင်ထည့်ပေးရပါတယ်။ ထယ်ရေးနက်နက် ထွန်ရေးညက်ညက်နဲ့ရအောင်မြေပြင်ပေးရပါတယ်။ မြေနီစေးမှာ မိုးရေချိန်လက်မ (၄၀-၅၀)ရှိရင် ရေသွင်းစရာမလိုပဲ စိုက်ပျိုးနိုင်ပါတယ်။

ရိတ်သိမ်းခြင်း

------------------

• ဈေးကွက်လိုအပ်ချက်အရ ဂျူးမြစ်ကို အချိန်ခွဲပြီး တူးယူရောင်းချရပါတယ်။ မြေထဲမှာ(၃-၄)လခန့်အထိ မတူးပဲထားနိုင်ပြီး လိုအပ်တဲ့အချိန်ရောက်မှ တူးယူနိုင်ပါတယ်။ တစ်ဧကအထွက်နှုန်းကတော့ ပိဿာ (၃၀၀၀-၄၀၀၀)အထိ ထွက်ရှိနိုင်ပါတယ်။

• ဂျူးမြစ်ကို ရိတ်သိမ်းပြီး နည်းစနစ်တကျ သိုလှောင်ထားမယ်ဆိုရင် ဂျူးမြစ်မှာပါတဲ့ အာဟာရတန်ဖိုးမပျက်စီးပါ။ အပူချိန် (၃)ဒီဂရီစင်တီဂရိတ်ဝန်းကျင်မှာဆိုရင် (၂၅-၃၅)ရက်အထိ သိုလှောင်နိုင်ပါတယ်။ ပုံမှန်အခန်းအတွင်းအပူချိန် (၂၅)ဒီဂရီစင်တီဂရိတ်ဝန်းကျင်မှာ (၅-၇)ရက်ခန့် အထိ သိုလှောင်နိုင်ပါတယ်။ သိုလှောင်ခန်းရဲ့စိုထိုင်းဆဟာ (၉၀-၉၅)%ရှိဖို့လိုပါတယ်။ ပန်းပွင့်ချိန်မှာ 2-4-D (သို့) GA3ဟော်မုန်းဆေးပက်ဖျန်းပေးရင် သိုလှောင်ချိန်မှာ အရည်အသွေး ပိုကောင်းလာမှာ ဖြစ်ပါတယ်။